Tasjolda tolǵaǵy qysqan áıeldi polıtseıler perzenthanaǵa jedel jetkizdi

Júrgizýshilerdiń biri patrýldik polıtsııa rotasynyń qyzmetkerlerine kelip avtokólikte júkti áıeldiń tolǵaǵy bastalǵanyn jáne ony shuǵyl túrde aýrýhanaǵa jetkizý kerektigin aıtqan.

Bul jaǵdaı 28 shildede túngi saǵat 00:50 shamasynda Atyraý-Aqtóbe tas jolynyń 590 shaqyrymynda bolǵan.

«Raıymbek Qabdıev pen Qanat Aqmyrzaev jedel túrde avtokóliktiń kedergisiz júrýin qamtamasyz etti. Perzenthanaǵa jetkizilgen kelinshek aman-esen ul bosandy. Jas ananyń jaqyndary polıtsııa qyzmetkerlerine alǵys bildirdi», — dep jazdy ІІM-nen.

Aıta keteıik, Atyraý oblysynda patrýldik polıtsııa rotasynyń qyzmetkerleri jyl basynan beri tolǵaǵy qysqan 4 júkti áıeldi perzenthanaǵa jetkizýge kómektesken.