Tasymaldaýshylarǵa avtobýs parkin jańartý úshin jaǵdaı jasalady
ASTANA. QazAqparat - Turaqty qatynasta tasymaldaý jasaıtyn avtobýstar parkin jańartýdy yntalandyrý maqsatymen Qazaqstanda jolaýshylardy tasymaldaý boıynsha kelisimshartty 10 jylǵa uzartý jónindegi úkimet qaýlysy bekitildi. Bul týraly QR KKM málimetinde habarlandy.
Atap aıtqanda, qaýlymen tasymaldaýshynyń kelisimshart jasaǵannan keıin avtobýstardy belgilengen merzimge sáıkes eki jyl ishinde kezeń-kezeńmen jańartý jónindegi mindetteri qarastyrylǵan. Osy talaptardy ustanǵan jaǵdaıda baǵdar boıynsha ótken qyzmet kórsetý kelisimsharty konkýrs ótkizilmeı 10 jylǵa uzartylady.
«Buryn baǵdarǵa qyzmet kórsetý quqyǵyn konkýrstyq negizde alǵan tasymaldaýshymen ákimdikter 3-5 jylǵa kelisimshartqa otyratyn. Onyń birneshe kemshilikteri bolǵan: tasymaldaýshylar ónerkásiptiń keleshektegi uzaq merzimdi damýyn josparlaı almaıtyn jáne jańa avtobýstardy satyp alýǵa nesıe alýǵa múmkinshilikteri bolmaıtyn. Jańa ereje olarǵa baǵdarda uzaq ýaqyt jumys jasaýǵa kepildik beredi»,- dep atap ótti QR KKM Avtomobıl kóligi departamentiniń dırektory Erlan Jumashev.
Sonymen birge, ol jańa erejeler avtokólik quralymen jolaýshylardy tasymaldaǵanda sapa jáne qaýipsizdik dárejesin arttyrýǵa mýltıplıkatıvtik áser etetindigine nazar aýdardy.
