Tasymaldaýshylardyń 75% ilespe qujattarda jalǵan rásimdeıdi

NUR-SULTAN. QazAqparat - Shekara arqyly ótkizilgen 428 avtokólik quraldaryn teksergende ishinen 319 jaǵdaıda (75%) qujattardaǵy málimetterdiń naqty tasymaldanatyn taýarlarǵa sáıkessizdigi anyqtalǵan. Anyqtalǵan faktiler boıynsha 16,1 mln teńge aıyppul salyndy, dep málim etti QR QM Memlekettik kirister komıteti tóraǵasynyń orynbasary Jaıdar Іńkárbaev.

Eksporttyq baqylaý tyıym salýlar men shekteýlerdiń saqtalýyn qadaǵalaý maqsatynda Qazaqstannyń EAEO elderimen memlekettik shekarasynda júzege asyrylady.

Atalǵan baqylaý túri aıasynda 2019 jyldyń basynan beri salmaǵy 2 844 tonna qara metall synyqtary men qaldyqtaryn áketýdiń 283 faktisi, salmaǵy 185,5 tonna makýlatýrany áketýdiń 24 faktisi, salmaǵy 1 062 tonna munaı ónimderin áketýdiń 623 faktisi, 50 tonna mal terisin áketýdiń 4 faktisi, 225 tekshe metr kóleminde aǵash materıaldaryn áketýdiń 37 faktisi anyqtaldy, dep atap ótti MKK tóraǵasynyń orynbasary.

Ruqsat berý qujatynsyz shekara arqyly ótkizýge jol bermeý úshin qosarly maqsattaǵy taýarlarǵa qatysty baqylaý júrgiziledi.

Aǵymdaǵy jyldyń 9 aıynda «Metıodıetanolamın» taýaryn alyp ótýge 49 áreket, áskerı úlgidegi qarý úshin patrondardy alyp ótýge 2 fakti anyqtaldy.

Reseı Federatsııasynan jáne Qyrǵyz Respýblıkasynan Qazaqstan Respýblıkasynyń aýmaǵyna ótkiziletin taýarlarǵa qatysty baqylaý is-sharalaryn júrgizý sheńberinde salyq tóleýden jaltarý shemalary áshkerelendi.

Qazirgi ýaqytta 252 salyq tóleýshi boıynsha taýarlardy ákelýdiń 601 faktisi belgili boldy, olar bastapqyda tranzıttik ótkizýge málimdelgenimen, alaıda Qazaqstan aýmaǵynda qalǵan. Osy taýarlar boıynsha aınalym 4,7 mlrd teńgeni, shyǵyn somasy 574,6 mln teńgeni qurady, - dep atap ótti MKK tóraǵasynyń orynbasary.

Shekaradan ótý kezinde salyq tóleýden jaltarý jáne tyıym salynǵan zattardy alyp ótý faktileriniń jolyn kesý jónindegi jumys jetildiriledi, onyń ishinde memlekettik kiris organdaryna qosymsha quzyret berý bóliginde zańnamalyq túzetýler qabyldaý esebinen jetildiriledi.

Sondaı-aq Jaıdar Іńkárbaev búgingi kúni Memlekettik kirister organdarynyń eldiń ekonomıkalyq qaýipsizdigin qamtamasyz etý jáne syrtqy ekonomıkalyq qyzmetke adal qatysýshylar úshin jaǵdaı jasaý boıynsha qoıylǵan mindetterdi josparly túrde atqaratyndyǵyn aıtty.