Taspıhovtyń senimdi ókilderi shymkenttik saılaýshylarmen kezdesti

ShYMKENT. QazAqparat - El prezıdenttigine úmitker Amankeldi Taspıhovty qoldaý maqsatynda búgin Shymkent qalasyndaǵy Asanbaı Asqarov saıabaǵynda saılaýshylarmen kezdesý ótti. Bul týraly Qazaqstan kásipodaqtar federatsııasynyń baspasóz qyzmeti habarlady.

«LTD-Turmys» JShS jumysshylarymen kezdesken belsendi top 200 adamnyń basyn qosty. A. Taspıhovtyń Túrkistan oblysy jáne Shymkent qalasy boıynsha qoǵamdyq shtabynyń ókili Berik Bekjanov alda kele jatqan saılaýdyń el ómirindegi mańyzyna toqtaldy. Ol azamattardy saılaýǵa asa jaýapkershilikpen qarap, daýys berýge úndedi. Úmitkerdiń tuǵyrnamasymen tanystyryp shyqqan shtab basshysy kandıdat ustanymdaryn jiti túsindirip ótti. Berik Bekjanov eńbekker quqyǵy men múddesi jaıly aıta kele A.Taspıhov tuǵyrnamasynyń basty ustanymy - qarapaıym eńbek adamyna jasalýy tıis qamqorlyq ekenin atap ótti.

Jıynda sóz alǵan qurylys kompleksi jəne TÚKSh qyzmetkerleri kəsipodaǵynyń tóraǵasy, senimdi ókil Abdýraıra Manahov halyq qamy úshin aıanbaı qyzmet etetin kandıdatty tańdaý - ərbir Qazaqstan azamatynyń boryshy ekenin aıta kele, qatysýshylardy jappaı daýys berýge shaqyrdy. Kókeıde júrgen saýaldaryn qoıyp, oǵan tushymdy jaýap alǵan jumysshylar eleýli saıaı dodaǵa beıjaı qaramaıtyndaryn jetkizdi.