Tasnim: Iran zymyrandaryn ushyrýǵa daıyndap otyr
ASTANA. KAZINFORM – Iran kóptegen zymyranyn jaýyngerlik ázirlik jaǵdaıyna keltirip, Izraıl jaýap soqqy jasaǵan jaǵdaıda kerek bolar nysanalardyń keńeıtilgen tizimin daıyndady. Bul týraly Tasnim agenttigi derekkózge silteme jasap habarlady.
Onyń aıtýynsha, Izraıl jaýap qaıtarǵan jaǵdaıda Iran aýqymdy soǵys bastaýǵa daıyn.
– Qazirgi ýaqytta kóptegen zymyran ushyrýǵa daıyn tur, – dedi agenttik derekkózi.
Buǵan deıin Izraıl qorǵanys armııasynyń baspasóz qyzmeti áskerı kúshterdiń Iran aýmaǵynan zymyrandar ushyrylǵanyn tirkegenin habarlady.
Al Izraıldiń memlekettik Kan teleradıo kompanııasy Izraıldiń óz aýmaǵyna jasalǵan zymyrandyq shabýylǵa jaýap qaıtarýdy josparlap otyrǵanyn málimdedi.
Irannyń joǵarǵy kóshbasshysynyń áskerı keńesshisi Mohsen Rezaıniń sózinshe, bul shabýyl Izraıldi Beırýtqa soqqy berýdi toqtatýǵa shaqyrǵan eskertý ǵana bolǵan.
Aıta keteıik, keshe Iran Izraıldiń soltústigine zymyrandar ushyrǵanyn jazdyq.
