Tasmaǵambetov úkimettik emes uıymdardan kómek kútiletin birqatar baǵytty atady
«Keler jyldan bastap Úkimet sizderdiń bilim-tájirıbelerińizdi qajet etetin birqatar mańyzdy baǵyttarǵa erekshe mán beretin bolady. Birinshiden, mektep jasyndaǵy balalarǵa salaýatty ómir saltyn nasıhattap, tán men jan saýlyǵyn qamtamasyz etý, kásiptik baǵdar berý, olardyń bıik rýhanı kelbetin qalyptastyrý, taǵy da basqa kóptegen taqyryptar qoǵamdyq uıymdar úshin erekshe den qoıatyn maqsatty sharalar bolmaq», - dedi vıtse-premer.
Onyń atap ótýinshe, ekinshiden, densaýlyq saqtaý men medıtsınalyq qyzmettiń sapasyn arttyrý baǵyty boıynsha onyń qoljetimdiligin arttyrý, medıtsınalyq saqtandyrý máselelerin nasıhattaý, týberkýlez, dıabet, qan qysymy sııaqty qoǵamdyq indetterge qarsy turý, túrli psıhologııalyq konsýltatıvtik ortalyqtardyń jumysyn uıymdastyrý taqyryptary ózekti bolmaq.
«Úshinshiden, halqymyzdyń jappaı salaýatty ómirin jaqsartý. Osy boıynsha tek tán saýlyǵyn ǵana emes rýhanı ómirdiń tazalyǵy, din men til, ádebıet pen mádenıet, salt pen dástúr máseleleri alǵa shyǵady. Árıne, bul tek jalpy máseleler. Dese de, bul jumystyń qaı-qaısysyn alsaq ta nátıjesin ózderińiz sııaqty kózi ashyq, kókiregi oıaý, bilimi tereń, biligi mol azamattarsyz uıymdastyrýdy kózge elestetý múmkin emes. Sizderdiń qoldaýlaryńyz ben qatar shynaıy áriptestikterińiz qajet. Sonda ǵana osy atqarylyp jatqan kóp jumystyń jemisi el-jurtymyzdyń ıgiligine aınalatynyna senimdimin», - dedi Tasmaǵambetov.
