Tasqynnan keıin semeılikter úılerine oralyp jatyr
SEMEI. QazAqparat - Semeıde sý tasqynyna baılanysty jaǵdaı retteldi, dep habarlaıdy QazAqparat tilshisi ShQO tótenshe jaǵdaılar departamentine silteme jasap.
Ertis ózeninde sý deńgeıi qalpyna kele bastady. Adamdar birte-birte úılerine oralyp jatyr. Qazirde Semeıde 2 úı jáne 21 aýla mańyndaǵy aýmaq sý astynda qalyp otyr.
«Búgin Semeıdegi jaǵdaı turaqtaldy. Áli sý astynda qalyp otyrǵan úılerde motopompalar jumys istep jatyr. Tasqyn sýdan tazartylǵan aýmaqtardy tazalaý jumystary júrgizilýde. Evakýatsııalanǵan adamdardyń kópshiligi úılerine qaıtty», - deıdi ShQO TJD baspasóz hatshysy Anastasııa Sklıar.
Onyń sózine qaraǵanda, tabıǵat apaty bastalǵaly beri ShQO boıynsha 2,5 myń adam qaýipsiz jerge kóshirilgen. Olardyń barlyǵyna psıhologııalyq kómek kórsetildi.
Budan bólek, Shúlbi sý qoımasyna turaqty túrde monıtorıng jasalyp jatqanyn aıta ketken jón. Mamandardyń sózine sensek, jýyq arada kóp mólsherde sý jiberilmeıdi.
«Biz ár 2 saǵat saıyn Shúlbi sý qoımasyndaǵy sýdyń deńgeıin ólshep otyrmyz. Qazir ol 241 metr, 18 santımetrge jetti. Kún saıyn 1800 tekshe metr sý jiberiledi. Jýyq arada kóp mólsherde sý jiberý josparda joq», - deıdi tótenshe jaǵdaılardyń saldaryn joıý jónindegi oblystyq shtabtyń basshysy Serik Aqtanov.
