Tasqynnan qaza tapqandar sany 10 myńnan asýy múmkin
ASTANA. 30 maýsym. QazAqparat - Ýttarakhand shtatynyń Assambleıa ókili Úndistannyń soltústigindegi tasqynnan qaza tapqandar sany 10 myńnan asýy múmkindigin málimdegenimen, el bıliginiń bul týraly málimeti basqasha.
Olardyń esebinshe, qaıtys bolǵandar 6,5 myń adamnan aspaıdy. Esterińizge sala keteıik, nóser jańbyr men laı kóshkini 2 aptadan beri tolastamaı otyr. Tasqyn saldarynnan 4 myńǵa jýyq turǵyn syrt álemnen oqshaýlanyp qalǵan. Bul aýmaqtarǵa baratyn joldar opyrylǵan. Sondyqtan qutqarý jumystaryna 55 tikushaq tartyldy. Jalpy 90 myńnan astam adam qaýipsiz jerge shyǵarylǵan, dep habarlaıdy 24.kz .
