Tasqynmen kúreske 2023 jylǵa deıin 160 mlrd teńge jumsalady

NUR-SULTAN. QazAqparat –Tótenshe jaǵdaılar mınıstri ıÝrıı Ilın jurtshylyqqa esep berý kezdesýinde eldi mekenderdi tasqynnan qorǵaý úshin jasalyp jatqan jumystar týraly málimet berdi, dep habarlaıdy QazAqparat.

«Búgingi tańda kóktemgi sý tasqynyna asa beıim 905 eldi mekenniń 315-inde qaýip seıildi. Taǵy 314 eldi mekende qaýip azaıtyldy. Ol mekenderde 71 055 turǵyn úı jáne 358 598 adam bar. Sý basý qaýpi bar aımaqta 276 eldi meken ornalasqan. Onda 270 myńnan astam adam turady. Ótken jyldyń jeltoqsan aıynda jol kartasyn iske asyrý aıaqtaldy, respýblıkalyq bıýdjetten 21,6 mlrd teńge, jergilikti bıýdjetterden 20,3 mlrd teńge jumsaldy», - dedi mınıstr.

Vedomstvo basshysy tasqynnyń ótinde turǵan eldi mekenderdiń sanyn azaıtý jumysy 20323 jylǵa deıin jalǵasatynyn málim etti.

«Eldi mekenderdi sý tasqynynan qorǵaý Sý tasqynyna qarsy is-sharalardyń jol kartasy sheńberinde 2023 jylǵa deıin jalǵasady. Jalpy somasy 160,2 mlrd teńgege 212 is-shara iske asyrý kózdelip otyr. Onyń 131,6 mlrd teńgesi respýblıkalyq bıýdjetten, 28,6 mlrd teńgesi jergilikti bıýdjetterden bólinedi», - dedi ıÝrıı Ilın.

Mınıstrdiń sózine qaraǵanda, atalǵan qarajatqa ózen arnalaryn qaıta jańartý jáne tazalaý, kanaldardy, bógetterdi, gıdrotehnıkalyq qurylystardy salý jáne jóndeý, nóserlik kárizdi retke keltirý, avto jáne temir joldardy, kópirlerdi jóndeý josparlanyp otyr. Sondaı-aq eldi tótenshe jaǵdaı týraly qulaqtandyrýǵa arnalǵan 2 aqparattyń júıe satyp alynbaq.