Tasqyn sýmen kúresý úshin Arshaly aýdanyna qosymsha kúshter jiberildi-Aqmola oblysy
KÓKShETAÝ. QazAqparat – Kóktemgi sý tasqynymen kúresý úshin Arshaly aýdanyna Aqmola oblystyq tótenshe jaǵdaılar departamenti, sondaı-aq, Qaraǵandy oblysynan áskerı bólimniń kúshteri kómekke jiberildi, dep habarlaıdy oblystyq Tótenshe jaǵdaılar departamenti baspasóz qyzmetine silteme jasap.
Vedomstvonnyń málimetinshe, sý tasqyny boıynsha jaǵdaı qazir Tselınograd, Arshaly aýdandarynda kúrdelenip otyr. Esil ózeniniń arnasyna aǵyn sýdyń ulǵaıýy, sondaı-aq Astana sý qoımasynan sekýndtyna 350 tekshe metr sý aǵyzylýy №42 Razezd stansasy jáne Jibek joly aýyly kóshelerindegi eldi mekenderdi sý basý qaýpi paıda boldy.
Qazirgi kezde, bul eldi mekenderde qutqarýshylar sý tasqynyn boldyrmaý úshin táýlik boıy jumys istep jatyr.
«Astana sý qoımasynan aǵyn sýdyń artýyna baılanysty Arshaly aýdany, Jibek Joly aýylynyń 8-shi shaǵyn aýdany úshin qaýip týyndap otyr. Osyǵan baılanysty Azamattyq qorǵanys polkiniń 52 859 áskerı bólimi kúshteriniń jeke quramynan 50 adam, sonymen qatar 3 birlik tehnıka jiberildi. Sondaı-aq, TJD Aqmola garnızonynyń kúshterinen 30 adam, 3 birlik tehnıka, 4 motopompa kúshteri biriktirildi. Qazirgi ýaqytta Jibek joly aýylynyń aınalasyndaǵy qorshaýdy nyǵaıtý úshin qum salynǵan qaptar tóselip jatyr», - deıdi Aqmola oblystyq TJD bastyǵy Nurlan Atyǵaev.
Sonymen birge, Arshaly aýdanyndaǵy jergilikti atqarýshy organdar men qutqarýshylar 6550 qapqa ınertti materıaldardy toltyryp, 3200 qap tósedi, 6720 tekshe metr sý sordy. Osynda TJD bastyǵynyń basshylyǵymen shtab ornalastyryldy.
