Tasqyn sýdan zardap shekken atbasarlyqtarǵa tońazytqyshtar úlestirildi

KÓKShETAÝ. QazAqparat - Aqmola oblysy Atbasar qalasynyń turǵyndaryna gýmanıtarlyq kómek kórsetý jalǵasýda. Búgin tasqyn sýdan zardap shekkenderge 25 jańa tońazytqysh jetkizildi, dep habarlaıdy "QazAqparat" HAA tilshisi óńirlik kommýnıkatsııalar qyzmetine silteme jasap.

Bul joly qaıyrymdylyq sharasyna "Qazaqstan Injınırıng" kompanııasy qolushyn sozyp otyr.

Kompanııanyń baspasóz qyzmetiniń məlimetine qaraǵanda, turmystyq tehnıkalar kóktemgi sý tasqynynan zardap shekken zeınetkerler men múgedekterge úlestirilgen. Sonymen qatar, atbasarlyqtarǵa estelik syılyq retinde ydys aıaqtar men fırmalyq monetalar tapsyryldy.

Jalpy, Aqmola oblysy boıynsha kóktemgi sý tasqynynyń saldarynan zardap shekkenderge qarjylaı, materıaldyq kómek kórsetý maqsatynda ashylǵan arnaıy esepshotqa 82 mıllıon teńgeden astam aqsha túsken.