Tasqyn sýdan Qazaqstannyń úsh oblysynda jol jabyldy
ASTANA. QazAqparat - Tasqyn sýǵa baılanysty ShQO, OQO jáne Qaraǵandy oblysyndaǵy respýblıkalyq mańyzy bar joldardyń túrli bólikterinde kólik qozǵalysyna shekteý qoıyldy, dep habarlaıdy QazAqparat.
«Qazaqavtojol» RMK habarlaýynsha, 13 sáýir kúni ShQO-da tasqyn sý jaǵdaıyna baılanysty «Semeı-Qaınar» avtojolynyń 8-166 shaqyrymdarynda (27 shaqyrymda sý jaıylǵan) barlyq kólik túrleriniń qozǵalysyna shekteý engizildi. Atalǵan ýchaskeni «Semeı-Qaraýyl» avtojoly arqyly aınalyp ótýge bolady.
Dál osy sebeppen Ońtústik Qazaqstan oblysynda «Samara-Shymkent» avtojolynyń 2217-2235 (2229 shaqyrymda kópir bar) shaqyrymdarynda barlyq kólik túrlerine shekteý qoıylǵan.
Arys ózeni arqyly ótetin kópirdiń jaǵalaý tirekterin sý shaıyp ketti. Atalǵan aýmaqty júrgizýshiler Tamerlanovka aýyly arqyly aınalyp ótýde.
Aqmola oblysynda «Şýche-Zerendi» avtojolynyń bóliginde qar sýy joldan asyp aǵyp jatyr. Aqqan sýdyń eni 200 m. Ol jerde sý aǵyzatyn qubyr bar.
Shekteý qoıylǵan joq.
Qaraǵandy oblysynda tasqyn sý jaǵdaıyna baılanysty «Aqshataý-Aǵadyr» avtojolynyń 90-195 shaqyrymdarynda barlyq kólik túrlerine shekteý engizildi (166+750 m. jol jabyny shaıylǵan, eni - 10 m., tereńdigi 15 sm., Sý aǵyzatyn qubyr bar). Aınalma jol «Qaraǵandy-Aqsý-Aıýly-Aǵadyr» baǵyty boıynsha júrýde.
Odan bólek, myna avtojoldardan sý asyp aǵyp jatyr:
1. «Qaraǵandy-Aıagóz-Buǵaz» 139 shaq. (joldan asyp aqqan sýdyń eni - 50 m., tereńdigi - 5 sm, sý aǵyzatyn qubyr bar);
2. «Qaraǵandy-Aıagóz-Buǵaz» 141 shaq. (joldan asyp aqqan sýdyń eni - 350 m, tereńdigi -15-20 sm, sý aǵyzatyn qubyr bar);
3. «Bastaý-Aqtaý-Temirtaý» 11shaq. (joldan asyp aqqan sýdyń eni - 40 m, tereńdigi -10 sm);
4.«Aqshataý-Aǵadyr» 165 shaq. (joldan asyp aqqan sýdyń eni - 50 m, tereńdigi -10-15 sm);
5. «Qaraǵandy-Aıagóz-Buǵaz» 43 shaq. (joldan asyp aqqan sýdyń eni - 400 m, tereńdigi - 15 sm);
6. «Qaraǵandy-Aıagóz-Buǵaz» 169 shaq. (joldan asyp aqqan sýdyń eni - 80 m, tereńdigi - 15 sm).
Kólik qozǵalystaryna shekteý qoıylǵan joq.
Sý tasqyny áserine tap bolǵan barlyq aýmaqta nyǵaıtý jumystary júrgizilip, eskertý belgileri qoıyldy. Táýliktik kezekshilik uıymdastyrylǵan.
