Tasqyn sý kirgen Qostanaı oblysyndaǵy aýylda qutqarý jumystary jalǵasyp jatyr
«Karamyrza aýylynda sý tasqynyna qarsy is-sharalar jalǵasýda. Tintýir ózeniniń deńgeıin jáne erigen qar sýyn baqylaıtyn 2 beket qoıyldy. Jergilikti atqarýshy organdar departament qyzmetkerlerimen jáne aýyl turǵyndarymen birlesip ınertti materıal salynǵan qaptardy daıyndaýda. Aýlalardy aralaý jáne halyqpen profılaktıkalyq áńgimesý uıymdastyryldy», - delingen mınıstrlik málimetinde.
Aıta keteıik, ótken táýlikte Qarasý aýdanyndaǵy Tintýir ózeninde sý 23 santımetrge kóterildi. Alty-jeti saǵatta sý Qaramyrza aýylyna jetti, al saǵat 24:00-de sý deńgeıi kóterilip, saldarynan turǵyn úıler men aýla aýmaqtardy sý basty. Qaza bolǵandar men zardap shekkender joq.
Qutqarýshylar halyqty sý basý aımaǵynan aldyn ala evakýatsııalady. 23 adam óz qalaýy boıynsha kórshi kóshelerde turatyn týystaryna ornalastyryldy.
Tasqyn sýmen kúreske TJD kúshteri men quraldarynan 25 adam men 6 tehnıka, 3 júzý quraly jáne 14 motopompa jumyldyryldy.
«Sý tasqyny jaǵdaıy baqylaýda.
Jedel is-qımyldardyń arqasynda 2023 jylǵy 4 sáýirde keshke Jeleznodorojnoe aýylynda eki páterli 6 úıdegi erigen qar sýy soryldy. 33 turǵyn óz úılerine oraldy, úı-jaılardy jeldetý jáne keptirý jumystary júrgizilip jatyr.
Saǵat 23.00-de turǵyn úılerdiń jertólelerinen sý sorý-aıdaý jumystary aıaqtaldy. Jalpy 5 myń tekshe metr kóleminde sý soryldy.
Ótken táýlikte barlyǵy 53 myńnan astam tekshe metr sý soryldy, ınertti materıal salynǵan 400 dana qap tóseldi.
Halyqqa tuşy sý berýdi qalpyna keltirý úshin Jeleznodorojnoe aýylynyń sorǵy stantsııasynan sý sorý jumystary jalǵasýda», - delingen mınıstrlik aqparatynda.
Eske salaıyq, 4 sáýirde qardyń qarqyndy erýinen jáne Qarasý aýdanyndaǵy Tintýir ózenine erigen sýdyń túsýinen ózen arnasynan tasyǵan bolatyn. Sý basý aımaǵynda 12 turǵyn úı jáne 40 úı aýmaǵy qaldy.