Tasqyn sý Baǵys aýylyna baratyn jalǵyz joldy shaıyp ketken - Saryaǵash aýdany
TÚRKІSTAN. QazAqparat - Túrkistan oblysy Saryaǵash aýdanynda tasqyn sý saldarynan Baǵys aýylyna baratyn jalǵyz jol jaramsyz kúıge tústi. Qazir oblystyq mańyzy bar jol qorshalyp, júrýge tyıym salyndy, dep habarlaıdy QazAqparat tilshisi.
Oblystyq ákimdiktiń málimetinshe, Qazyǵurt aýdanyndaǵy apatqa qatysty jaǵdaı turaqtala bastady. Eki aýdanda nóser jaýynnyń saldarynan 7 aýyl okrýginiń 11 eldi mekeninde úıler men qora-qopsyǵa sý kirgen bolatyn. Sýda ólgen maldardyń sany 370-ke jetken. Túni boıy TJ qyzmetkerleri sý kirgen úılerde motopompa arqyly sý shyǵarý jumystaryn júrgizdi.
Aýyl jastarynan qurylǵan eriktiler turǵyndarǵa kómek kórsetip jatyr. Qazyǵurt aýdanyndaǵy 4 eldi mekenge qol ushyn berý úshin óńirdiń ár aýmaǵynan jáne Shymkent qalasynan 100-den astam erikti jas jınaldy. Olar sý basqan turǵyn úılerdiń aýlasy men qora-jaılardy, kóshelerdi laı-batpaqtardan tazalaý jumystaryna atsalysýda. Atap aıtqanda Túrkistan men Arys qalasy, Keles, Tólebı, Saryaǵash, Maqtaaral, Saıram aýdandary, sondaı-aq Shymkent qalasynyń eriktileri aýyl turǵyndaryna kómektesip jatyr.
