«Tasqyn qurbandarynyń sany kóbeıip keledi» - respýblıkalyq basylymdarǵa sholý

***

Keshe Aqordada Memleket basshysy Nursultan Nazarbaevtyń tóraǵalyǵymen Qazaqstannyń ındýstrııalyq damý máselesin talqylaǵan keńes ótti. Onyń jumysyna Premer-Mınıstr K.Másimov, Memlekettik hatshy - QR Syrtqy ister mınıstri Q.Saýdabaev, Prezıdent Ákimshiliginiń Basshysy A.Mýsın, Úkimet músheleri, ortalyq memlekettik organdardyń jetekshileri men elimiz óńirleriniń ákimderi qatysty. Osyǵan oraı «Egemen Qazaqsan» gazetiniń senbilik sanynda «El qýatyn eseleý joly» degen taqyryppen kólemdi maqala basyldy. Basylymnyń jazýynsha, Elbasy iske qosylǵan nysandardyń jobalyq qýatynda jumys isteýine durys mán berilmeıtindigin atap ótken. Jańa nysan aldyndaǵy lenta qıylyp, onyń ashylýy áıgilenisimen munan keıin ne bolyp jatqandyǵy esten shyǵyp ketedi. Demek, iske qosylǵan kásiporyndardaǵy jumys barysy budan bylaı únemi nazarda bolýy kerek.

Al osy taqyrypty odan ári qaýzaǵan «Aıqyn» gazeti «Ákimder elge kórgensiz qylyqtaryn kórsetsin dep emes, halyqqa qyzmet etsin dep qoıylǵan!» degen taqyryppen maqala jarııalap, onda «Elbasy órleý betburysyn jarııalady. El endi soǵan laıyq ózgerister kútedi. Prezıdent úmit pen senimdi aqtady: keshe Elbasy birqatar jańa aýys-túıister jasap, bılikti de, qoǵamdy da dúr silkindirdi! Kóshbasshymyzdyń alǵa qoıǵan mindetteri jaýapkershilikpen oryndalýǵa tıis. Al osy qadam arqyly N.Nazarbaev olardy oryndatpaı tynbaıtynyn tanytty», delingen.

«Alash aınasy» gazeti de Elbasy tóraǵalyǵymen ótken alqaly jıynǵa asa mán berip, búgingi nómirinde «Mınıstrlikterdiń aty da, zaty da ózgerdi» degen taqyryppen maqala basty.

Aqordada ótken keleli keńes jaıynda egjeı-tegjeıli maǵlumat alǵyńyz kelse atalǵan basylymdardy, sondaı-aq «Kazahstanskaıa pravda», «Lıter», «Ekspress-K» gazetterin oqyńyz.

«Egemen Qazaqstan» gazetiniń QR Prezıdentiniń baspasóz qyzmetine silteme jasap habarlaýynsha, Memleket basshysy Nursultan Nazarbaev Almaty oblysynyń Aqsý aýdanyndaǵy «Qyzylaǵash» sý qoımasyndaǵy bógettiń buzylýy saldarynan qaza bolǵandardyń otbasylaryna kóńil aıtý jedelhatyn joldady. «Adam ólimine ákelip soqqan Almaty oblysynyń Aqsý aýdanyndaǵy «Qyzylaǵash» sý qoımasynda oryn alǵan apat týraly habardy qaıǵyra qabyl aldym. Qazaqstan halqynyń jáne jeke óz atymnan qaza bolǵandardyń týǵandary men jaqyn týystaryna, sondaı-aq apat saldarynan zardap shekkenderdiń barlyǵyna qaıǵyryp kóńil aıtamyn», delingen kóńil aıtý jedelhatynda.
Prezıdenttiń tapsyrmasy boıynsha apattyń oryn alý sebebi men onyń saldarlaryn joıý jáne zardap shekkenderge qajetti kómek kórsetý úshin Úkimettik komıssııa quryldy.

Elbasynyń kóńil aıtýy jedelhaty «Aıqyn», «Kazahstanskaıa pravda», «Alash aınasy» gazetterinde de jarııalandy.

Osy basylymnan keshe Elbasy tóraǵalyǵymen ótken Aqorda jıynynda qurylǵan mınıstrlikterdiń basshylaryn taǵaıyndaý týraly QR Prezıdentiniń Jarlyqtarymen tanys bola alasyzdar.

«Keshe Elbasy N.Nazarbaevtyń tapsyrmasymen Almaty oblysynyń Aqsý aýdanyndaǵy tótenshe jaǵdaılardyń saldaryn joıý jóninde úkimettik komıssııa quryldy. Tótenshe jaǵdaılar mınıstri V.Bojko bastaǵan komıssııa quramyna Densaýlyq saqtaý mınıstri J.Dosqalııev, Qurylys jáne turǵyn úı-kommýnaldyq sharýashylyq agenttiginiń tóraǵasy S.Nókın, Kólik jáne kommýnıkatsııa, Eńbek jáne halyqty áleýmettik qorǵaý, Aýyl sharýashylyǵy, Bilim jáne ǵylym, sondaı-aq Іshki ister mınıstrlikteriniń ókilderi endi», dep jazady «Egemen Qazaqstan» gazeti.

***
«Aıqyn» gazetiniń jazýynsha, Almatyda qymbat kólikterdi urlaýmen aınalysqan qylmystyq toptyń uıymdastyrýshysy men eki múshesi ustalǵan. Atalǵan top urlanǵan kólikterdi Qyrǵystanǵa aparyp satyp otyrǵan.

«Úkimettegi ózgerister neni ańǵartady?». «Aıqyn» gazetiniń osy saýalyna jaýap bergen Ulttyq saıası zertteýler ınstıtýtynyń dırektory Bórihan Nurmuhamedov «birden Premer-Mınıstrdi ózgertpeı, aldymen úkimet qurylymyn jańartýda, Úkimetti aýystyrý ishki saıası protsesterge áser etedi. Sondyqtan bılik jalǵastyǵyn saqtaý úshin jańa mınıstrlerdi taǵaıyndap aldyq. Sonyń nátıjesinde, Úkimet almasqan kezde, tek eki-úsh mınıstr aýysatyn bolady», dese, «Kto est kto?» bıografııalyq entsıklopedııasynyń redaktory Danııar Áshimbaev «Men bul ózgeristerge asa mán bermes edim. óıtkeni onyń úlken saldary bolmaıdy. Úkimet aýysýy ádette mundaı qurylymdyq ózgeristermen baılanysty emes. Mınıstrlikterdiń qaıta qurylýy - tehnıkalyq turǵyda jasalǵan taktıkalyq qadam», dep pikirlerin ortaǵa salǵan.

***

«Aǵaıyn, apat keldi! Almaty oblysy turǵyndarynyń qar erı bastaǵaly baspanasy men qora qopsysyna sý kirip, bereketi qashqany túk emes bolyp shyqty. «jaǵdaı qalypqa tústi, ózge qaýip joq» degen mamandardyń sózi de beker eken. Qazir sý qoımalary deńgeıinen tasyp, aýyldardy túgel jutyp jatyr. Aıtpaı kelgen apattyń saldarynan beıqam jatqan ondaǵan turǵyn ajal qushty», dep jazady «Alash aınasy» gazeti. Jazylǵan jaıttyń egjeı-tegjeıin bilgińiz kelse basylymnyń búgingi sanynda jaryq kórgen «Tasqyn qurbandarynyń sany kóbeıip keledi» degen maqalaǵa nazar salyńyz.

«Alash aınasy» gazetiniń dástúrli «Oı-kókpar» aıdarynda «Ózderinde spýtnıktik sıgnal taratamyz dep, Reseıdiń TMD-dan translıatsııa talap etýine kóný kerek pe?» degen saýal qoıǵan. Oǵan jaýap bergen «Habar» telearnasynyń bas prodıýseri Serik Abas-Shah «eger de qazaqstandyq telearnalar sheteldik ónimderden arylýdy júzege asyra bastasa, onda óz kórermenderimizge ázirge tatymdy esh nárse usyna almasymyz anyq. Qalaı bolǵan kúnde de, bizdiń televızııa úlken básekelestikke daıyn emes. Bul rette Reseıdiń óz múddesin qorǵaýy zańdy da», dese «Almaty» telearnasy bas dırektorynyń birinshi orynbasary Serik Ábikenuly «Reseı bıligi TMD elderinde óz telearnalarynyń taralýynyń shektele bastaýyna qatty alańdap otyr. osy turǵydan alǵanda, Medvedevtiń televızııa saıasatyna basa nazar aýdarýynyń saıası astary basym. Munda onyń reseılikterdiń emes, tek qana orys mujyǵynyń múddesin qorǵaýy tegin emes», depti.

***

«Astana aqshamy» gazetiniń senbilik nómirinde «Naý, naýsha, naýryz» atty kólemdi maqala jarııalandy. Tanymdyq maqalada jazylǵan jaıttarmen keńinen tanysqyńyz kelse basylymnyń búgingi sanyna nazar aýdaryńyz.

Osy basylymda Jeńistiń 65 jyldyq mereıtoıyna oraı birqatar maqalalar toptamasy berilgen. Sondaı-aq gazet «Meniń atam - maıdanger» atty mektep oqýshylary arasyndaǵy shyǵarmalar baıqaýynyń bastalǵandyǵyn jarııalap, báıge sharttaryn bergen.