TasksCat ınternet jobasynan qarjy pıramıdasynyń belgileri anyqtaldy
«Azamattarǵa tapsyrmalardy oryndaý arqyly 2 500 teńge kóleminde tabys tabý usynyldy. Jańa qatysýshyny shaqyrǵany úshin tólemderden 5-15% berildi. Uıymdastyrýshylar 100-1000% kiristilikpen «keshendi qyzmet» satqan», - delinedi resmı habarlamada.
Sondaı-aq, adamdardy ózderine deıingilerdiń «tabysqa jetý joly men jeńimpazdardyń fotosýretterin jarııalaý» arqyly da qyzyqtyrǵan.
Monıtorıng júıeleri qarjy pıramıdasynyń saıty jumys istemeıtini anyqtaldy. Saıtty buǵattaý jáne halyqty jınaqtaryn joǵaltý qaýpinen qorǵaý jumystary júrgizilip jatyr.
«Qylmystyq quqyq buzýshylyq belgilerin anyqtaý maqsatynda Telegram jelisinde kórsetilgen málimet Aqparattyq kitapqa tirkelip, tıisti qorytyndy jasaý úshin QNRDA joldanady. Tekserý qorytyndysy boıynsha quqyqtyq baǵa berilip, protsessýaldyq sheshim qabyldanady», - dep málimdeıdi Agenttikten.
