Tasqynnan zardap shekkenderge turmystyq tehnıka alatyn aqsha da beremiz – Úkimet basshysy

ASTANA. KAZINFORM – Premer-mınıstr Oljas Bektenov Úkimet otyrysynda tasqynnan zardap shekken turǵyndarǵa turmystyq tehnıka alýǵa qarajat beriletinin aıtty.

«Zardap shekkenderge keltirilgen shyǵyndardy óteý tártibine túzetýler bekitildi. Keshe men tıisti qaýlyǵa qol qoıdym. Qazirgi ýaqytta 11 myńǵa jýyq otbasy 100 aılyq eseptik kórsetkish mólsherinde tólem aldy. Bul – úlken jumystyń basy ǵana. Oǵan qosymsha taǵy 150 aılyq eseptik kórsetkishke deıin tóleıtin bolamyz. Oǵan adamdar tońazytqysh, ústel, oryndyqtar, ydys-aıaq, kıim-keshek sııaqty joǵalǵan birinshi kezektegi qajetti zattardy satyp ala alady», - dedi Úkimet basshysy.

Sondaı-aq, ol kásipkerlerdiń shyǵyny óteletinin aıtty.

«Azamattarǵa aıtatynym, sabyr saqtańyzdar. Eshkim de kómeksiz qalmaıdy Bul máselelerdiń barlyǵy Prezıdenttiń jáne meniń jeke baqylaýymda. Sondyqtan biz osy synaqtan abyroımen ótemiz dep bilemin», - dedi Premer-mınıstr.