Tasqynnan zardap shekkender saqtandyrý uıymdarynan 900 mln teńgeden astam tólem talap etpek

ASTANA. KAZINFORM – Qarjy naryǵyn retteý jáne damytý agenttigi Kazinform saýalyna joldaǵan jaýabynda tasqynnan zardap shekken turǵyndardyń saqtandyrý kompanııalaryna túsirgen ótinishi týraly málimet usyndy.

«2024 jyldyń 19 tamyzyndaǵy jaǵdaı boıynsha, saqtandyrý uıymdaryna Qazaqstandaǵy tasqyndarmen baılanysty 164 ótinish túsken. Onyń 120-sy jeke tulǵalardan, 44-i zańdy tulǵalardan túsken. Qazirgi tańda ótinishterdiń tólem somasy 907 mln teńgege jetti. Onyń ishinde jeke tulǵalardan 395,2 mln teńgeniń, zańdy tulǵalardan 512,5 mln teńgeniń ótinishi kelgen.

Qalǵan ótinishterdi saqtandyrý uıymdary áli qarap jatyr», - dep jazylǵan jaýapta. 

Agenttik mamandary páterdi saqtandyrý polısiniń quny túrli faktorge baılanysty ár túrli qubylyp turǵanyn aıtady. 

«Onyń ishinde turǵyn úıdiń ornalasqan jeri, páter baǵasy, aýdany men ǵımarattyń qandaı materıaldan salynǵany sııaqty faktorlar saqtandyrý qunyna áser etedi. Orta eseppen alǵanda, páter men jer úıdiń jyldyq saqtandyrý quny birneshe myń teńgeden ondaǵan myń teńgege deıin barady. Naqty baǵany saqtandyrý uıymdarynan bilgen abzal», - dep jazylǵan agenttik málimetinde.