Tasqynnan úıin tastap ketýge májbúr bolǵan oqýshylar BJB men TJB tapsyrmaıdy
ASTANA. KAZINFORM — Atyraý jáne Aqtóbe oblysyndaǵy oqýshylar BJB men TJB-dan bosatyldy. Bul jaıynda Oqý-aǵartý mınıstrliginiń resmı ókili Mereke Amangeldiqyzy ortalyq kommýnıkatsııalar qyzmetinde ótken brıfıngide málim etti.
«Premer-mınıstrdiń tapsyrmasy boıynsha sý tasqynynan asa qatty zardap shekken óńirlerdegi oqýshylar aǵymdaǵy emtıhandar men synaqtardan bosatyldy. Atap aıtqanda, Atyraý men Aqtóbe oblysyndaǵy oqýshylar úshin BJB men TJB alynyp tastaldy», — dedi ol.
Resmı ókil Atyraý (18), Aqtóbe (6), Qostanaı (2) jáne Batys Qazaqstan (2) oblystaryndaǵy 28 mektep bilim jetistikteri monıtorınginen bosatylǵanyn aıtty.
«Aqmola, Atyraý, Aqtóbe, SQO, Qostanaı jáne BQO sııaqty alty óńirde monıtorıng 15 sáýirden 22 sáýirge aýystyryldy. Qalǵan óńirlerde oqý shtattyq rejımde júrip jatyr», — dedi Mereke Amangeldiqyzy.
