Tasqynnan qyrylǵan maldyń 98 paıyzyna ótemaqy tólendi — vıtse-mınıstr

ASTANA. KAZINFORM — Aýyl sharýashylyǵy vıtse-mınıstri Amanǵalı Berdalın tasqynnan zardap shekken 12 myńnan astam maldyń 237 basyna ǵana ótemaqy tólenbegenin aıtty,

«Qora, úı sııaqty múliktiń bári jyljymaıtyn múlik tizbesinde turady. Sondyqtan ol aýyl sharýashylyǵy mınıstrliginiń quzyryna jatpaıdy. Biz mal sanaǵyn júrgizemiz. Soǵan sáıkes 12 500-ge jýyq mal shyǵyny tirkeldi. Sonyń ishinde 237 bas maldan basqasynyń bárine, 98 paıyzyna ótemaqy tólendi», — dedi vıtse-mınıstr.

Amanǵalı Berdalın qora-qopsyny qalpyna keltirý máselesimen jergilikti komıssııaǵa júginýge bolatynyn aıtty. 

«Barlyq ótinishterdi jergilikti komıssııalar qaraıdy. Ony tóleıtin - jergilikti atqarýshy organdar. Áýeli komıssııaǵa ótinishi berse, tekserse, qajet bolsa ne qordyń esebinen, ne bıýdjet esebinen tóleý jóninde sheshim qabyldaıdy», — dedi vıtse-mınıstr.

Onyń aıtýynsha, qalǵan 237 bas maldyń ótemaqysyna qatysty áli sheshim qabyldanbaǵan.