Tasqynǵa qarsy tóselgen qumqaptardy kim jınastyrady – TJM jaýaby

ASTANA. KAZINFORM – Tótenshe jaǵdaılar vıtse-mınıstri Baýyrjan Syzdyqov Úkimet otyrysynan keıin ótken brıfıngide tasqynǵa qarsy tóselgen qumqaptardy ekologııaǵa áseri týraly pikir bildirdi.

«Erte me, kesh pe tasqyn aıaqtalady. Sol kezde qalyń qumqapty ne isteısizder? Bul jańa ekologııalyq apatqa ákelmeı me? Osy kúıi qaldyryp ketpeısizder me? Erteń ony kim jınastyrady№» - dep surady BAQ ókili.

Baýyrjan Syzdyqov jýrnalıst aıtqan qumqaptar qazirgi kúıinde qalmaıtynyna sendirdi.

«Durys túsinýińiz kerek. Bári ol kúıinde qalmaıdy. Árıne, ekologııaǵa jaýap beretin organdar bar, ákimdikter de ondaı bólimsheler bar. Onyń bárimen aınalysady. Búgingi tańda bógetterdi, ýaqytsha dóńderdi jasaǵan bolsaq, ásheıin qalady dep oılamaımyz. Ony da kerek-jaraqqa, halyqty, úılerdi, eldi qorǵaýǵa jaratamyz. Ony óńdeý jumystary bolady», - dedi Baýyrjan Syzdyqov.