Tasqyn sýdan zardap shekken aımaqtarǵa elordadan 30 tonnadan astam gýmanıtarlyq kómek jiberildi

ASTANA. KAZINFORM – Astanadan óńirlerge 30 tonnadan astam gýmanıtarlyq kómek jiberildi. Bul týraly Ulttyq volonterler jelisiniń ókilderi habarlady. 

Demalys kúnderi sý tasqynyna qarsy sharalar júrgizilip jatqan óńirlerge Astanadan 14 gýmanıtarlyq kómek gazeli jiberildi. Elorda turǵyndary sý tasqynynan zardap shekkenderge kıim-keshek, azyq-túlik, jeke gıgıena quraldary jáne t.b. jınady. Qazirgi tańda elordada 9 qoıma jumys istep tur. Іs-sharaǵa 30 volonterlik uıym, 200 erikti qatysty. 

Aımaqtarǵa kómek jınaý pýnktteri de qarqyndy rejımde jumys istep tur.  

Aqtóbege 31 naýryzda Túrkistan oblysynan gýmanıtarlyq kómek keldi. Ol sol aımaqtaǵy tasqynnan zardap shekken turǵyndarǵa taratyldy.

Volonterler, qoǵamdyq belsendiler, máslıhat depýtattary, kásipkerler, Atyraý oblysynyń turǵyndary da shette qalmady. Úsh kún ishinde «Kúsh birlikte» aktsııasy aıasynda olar Aqtóbe oblysynyń turǵyndary úshin 8 tonna gýmanıtarlyq kómek jınady.

Eske sala keteıik, buǵan deıin Atyraýdan 8 tonna azyq-túlik, ózge de zattar Aqtóbe oblysyna jiberilgenin jazǵan bolatynbyz.