Tasqyn sýdan qyrylǵan qujatsyz mal shyǵyny qalaı óteledi

ASTANA. KAZINFORM – Aýyl sharýashylyǵy mınıstri Aıdarbek Saparov sý tasyǵan óńirlerde qujaty joq, tirkelmegen mal shyǵynyn óteý algorıtmi týraly aıtty. 

«Ózderińiz bilesizder, arnaıy komıssııa quryldy. Malyna qujaty barlardyń shyǵyny bıýdjetten óteledi. Endi malyna qaǵaz qujaty bolmasa, tirkelmese, algortım boıynsha 3 kýáger bolýy kerek dep jazylǵan. Olar – kórshiler, ýchaskelik polıtsııa ınspektory, aýyldyq okrýgtiń ákimi. Shyǵyn dáleldenýi tıis. Onyń nátıjesinde mal shyǵyny qorlar nemese demeýshiler, kompanııalar esebinen óteledi. Mysaly, búginde Qaraǵandy oblysy barlyǵyn demeýshiler esebinen jaýyp tastady. Sol sııaqty Aqtóbe, Qostanaı oblystarynda jumysty júrgizip jatyr», - dedi Aıdarbek Saparov Úkimet otyrysynan keıin ótken baspasóz máslıhatynda. 

Sondaı-aq mınıstr eshkimniń kómeksiz qalmaıtynyn aıtty. 

Eske sala keteıik, buǵan deıin Qulsarydaǵy sý tasqynynan zardap shekken 3 740 otbasyǵa bir rettik tólem berilgenin habarlaǵan edik.