Tasqyn sý qaýpi Qulsary qalasynyń 7 shaǵyn aýdanyna tónip tur
ATYRAÝ. KAZINFORM – Atyraý oblysyndaǵy Qulsary qalasynyń 7 shaǵyn aýdanyn tasqyn sý qaýpi tónip tur.
Atyraý oblysynyń jedel shtabynan aqparatyna súıensek, búgin, 7 sáýirde saǵat 08:00-degi málimetke sáıkes Qulsary qalasynda 2 810 turǵyn úı men ákimshilik nysandar sý astynda qalǵan. Alty bıznes nysanynyń aýlasyna tasqyn sý kirgen.
«Qulsary qalasyndaǵy «Atyraý», «Dostyq», «Mıras», «Jadyrasyn», «Mereı», «Shuǵyla», meshit mańy aýylynan 31 naýryzdan beri 29 545 adam qaýipsiz jerge evakýatsııalandy. Onyń 7 396 bala bar. Evakýatsııalyq pýnktterge 8 011 adam ornalastyryldy. Olardyń 4578-i – balalar», -dep habarlady oblystyq jedel shtab.
Tasqyn sý qaýpi Qulsary qalasyndaǵy «Bereke, «SMP-224», «9-aýyl», «Atamura», №1,3-shaǵyn aýdandar men 5-aýylǵa tónip tur.
Eske sala ketelik, budan buryn Atyraýdaǵy Qulsary qalasynan 12 myńnan astam adam evakýatsııalandy.
Sondaı-aq, Atyraý oblysynda evakýatsııalaý úshin 15 myń oryn daıyndalǵanyn jazǵan edik.
