Tasqyn sý basqan Qulsarydan 10 tonnadan astam qoqys shyǵaryldy

ATYRAÝ. KAZINFORM – «Jylyoı Tazalyq» JShS-niń ýchaske basshysy Asqar Temirjannyń málimetinshe, qoqysty jınaý, shyǵarý jumysyna 38 qyzmetker 17 arnaıy tehnıka, 5 júk tıegish bólingen. 

«Bizdiń mindetimiz – úıler men aýlalardy qoqystardan tez arada tazartý. Osylaısha turǵyndardyń jóndeý jumystaryn júrgizip, úılerin retke keltire alýyna jaǵdaı jasaýymyz kerek. Qulsary qalasyndaǵy sý basqan úılerden kúnine 1,7 tonnaǵa deıin turmystyq qaldyqtar jınalady. Búgin sý basqan aýlalardan kommýnaldyq kásiporyn qyzmetkerleri 10 tonnadan astam qoqys pen turmystyq qatty qaldyqtardy shyǵardy», - deıdi Asqar Temirjan.

«Jylyoı Tazalyq» JShS-niń ýchaske basshysynyń deregine súıensek, kún saıyn 5 brıgada qoqys jınaýǵa jumyldyrylady. Brıgadalar tańerteńgi saǵat 08:00-den keshki saǵat 20:00-ge deıin jumys isteıdi. 

Eske sala ketelik, buǵan deıin Qulsarydaǵy sý tasqynynan keıin apatty jaǵdaıda turǵan 756 úı anyqtalǵanyn habarlaǵan bolatynbyz.