Tasqyn sý basqan 6 óńir túlekteri grant konkýrsyna burynǵy UBT sertıfıkatymen qatysa alady

ASTANA. KAZINFORM — Ulttyq testileý ortalyǵy sý tasqynynan zardap shekken óńirlerdiń mektep túlekterine habarlandyrý jasady. 

Bıylǵy tasqynnan zardap shekken aımaqtar — Aqmola, Aqtóbe, Atyraý, Batys Qazaqstan, Qostanaı, Soltústik Qazaqstan oblystary.

Mundaǵy talapkerler úshin mańyzdy aqparat bar. 

«Eger negizgi UBT-dan tómen ball jınasańyz, qańtar nemese naýryz aılaryndaǵy UBT-nyń joǵary nátıjesimen grant konkýrsyna qatysý múmkindigińiz bar. Osylaısha  qalaýyńyz boıynsha eń úzdik UBT nátıjesimen grant konkýrsyna qatysa alasyz» dep eskertedi ortalyqtan.

2024 jyly jalpy grant sanynyń 20 paıyzy sý tasqynynan zardap shekken óńirlerdiń talapkerlerine bólingen. 

Esterińizge sala ketsek, bul aımaqtyń talapkerleri grant konkýrsyna qujatty 13-24 shilde aralyǵynda tapsyra alady.

Eske sala keteıik, bıylǵy talapkerlerdiń 77 paıyzy negizgi UBT-ny tapsyryp úlgerdi.

Naýqan bastalǵannan beri 315 myń ret test tapsyrylǵan. Onyń ishinde talapkerlerdiń 77% — qazaq tilinde, 23% — orys tilinde, 200-den astam adam aǵylshyn tilinde testileýden ótti.

Ortasha ball — 70. Eń joǵary ball — 140. Ony UBT altynshy aptasynda Almaty oblysynyń túlegi Jannur Eńsebek aldy.

Osylaısha testileýden eń joǵary upaıdy aýyl mektebiniń túlekteri jınaǵan.