Tasqyn búldirgen 3 myńnan astam elektr baǵanasyn qalpyna keltirý kerek - mınıstr
ASTANA. KAZINFORM – Úkimet otyrysynda Energetıka mınıstri Almasadam Sátqalıev tasqynnan zardap shekken aımaqtardyń elektrmen jabdyqtaý júıesin qalpyna keltirý jumystary týraly málimet berdi.
«Qostanaı oblysynda ajyratylǵan abonentter sany 5000-nan 700-ge deıin azaıdy.
Aqtóbe oblysynda abonentter sany 5,5 myńnan jarymnan 13-ke deıin azaıdy.
Batys Qazaqstan jáne Aqmola oblystarynda shektelgen abonentter tórt ese, al Atyraý oblysynda úsh ese azaıdy. Soltústik Qazaqstan oblysynda avarııalyq-qalpyna keltirý jumystary júrip jatyr. Qalǵan 5000 abonent sý deńgeıi tómendegennen keıin qosylady», - dedi ol.
Mınıstr tasqynmen baılanysty tótenshe jaǵdaıdy joıýǵa 9 000-nan astam energetık maman atsalysqanyn atap ótti.
«Tasqynmen kúreske 2 145 arnaıy avtotehnıka tartyldy. Jaqyn arada ártúrli klastaǵy 3 000-nan astam elektr baǵanasyn qalpyna keltirý qajet», - dedi Almasadam Sátqalıev.
