Tasymaldaýshylar Kólik mınıstrliginiń túzetýlerine narazy

ASTANA. KAZINFORM – QR Kólik mınıstrligi zań jobasyna engizilgen jańa túzetýler boıynsha keńes ótkizdi. Árıne, kez kelgen jańashyldyq barlyq taraptardy qanaǵattandyrmaýy múmkin. Bul túzetýlerge de qarsylyq tanytyp otyrǵandar az emes.

Jańashyldyqtarǵa sáıkes, QTJ ulttyq operatory magıstraldyq temirjol jelisindegi tranzıttik tasymaldaýda basymdyqqa ıe bolmaq. Alaıda qalǵan júk tasymaldaýshylar «shetke yǵystyryldyq» dep baıbalam salyp otyr.

Ashyq NQA portalynda mundaı basymdyqtardyń sebepteri kórsetilgen túzetý jobasy jarııalandy. Qujatqa sáıkes, temirjol jelisi ınfraqurylymyndaǵy keptelistiń joǵary bolýyna baılanysty júk tasymaly belgili bir kezekte júrýi tıis. Sonymen qatar, «QTJ» UK» AQ óziniń modernızatsııasy men Qazaqstandy ındýstrııalandyrýdyń damýyna ilespeıdi. Dese de, ulttyq operator tranzıttik tasymaldaý kezinde basymdyq alyp, júk jóneltýshiler men tasymaldaýshylardyń ótinishterin úılestirmek. Vedomstvo osylaısha Qazaqstan óziniń geosaıası jaǵdaıy men múmkindikterin tolyq paıdalana alady dep esepteıdi.

Al, salalyq birlestikter vagondary bos turyp qalsa, qarjylyq shyǵynǵa batatynyn alǵa tartyp otyr.

«Bizdiń poıyzdar eń sońǵy bolyp keledi eken. QTJ kirme joldarda tasymaldaýdy úılestiretin bolsa, tıimdilik týraly aıtýdyń ózi qıyn. Bul usynystar qalaı paıda boldy? Túsiniksiz jaıttar kóp», - dedi ERG kólik logıstıkasynyń bas menedjeri Gúljanat Imınova.

Respýblıkalyq taý-ken metallýrgııalyq kásiporyndar qaýymdastyǵynyń (AGMP) ókilderi olardyń sektory QTJ-men qıyn qarym-qatynastar saldarynan óndiris kóleminiń tómendeýine tap bolǵanyn atap ótti.

«Bul erejeler QTJ kirisi men tranzıttik basymdylyq múddesi úshin daıyndalýda. Biz Úkimettiń taý-ken metallýrgııa kesheniniń jaǵdaıyn jaqsartýǵa umtylysyn mınıstrlik qoldamaıdy dep esepteımiz», - dedi olar.

Qaýymdastyq Premer-Mınıstrdiń atyna hat daıyndaýǵa kirisip ketti.