Tashkenttiń qaq ortasynan quny mln dollardan asatyn altyn qazyna tabyldy
ASTANA. QazAqparat - Ózbekstan Ulttyq ýnıversıtetiniń ǵalymdary Tashkenttiń qaq ortasynan quny mıllıon dollardan asatyn altyn qazyna taýyp aldy. Bul týraly Kun.uz ınternet basylymy jazdy, dep habarlaıdy «QazAqparat» HAA.
Asyl buıymdardyń kópshiligi 80 jyl buryn joǵalyp ketti dep sanalǵan.
Qazyna 1870 jyly salynǵan ǵımarattyń astyndaǵy qupııa jertóleden tabyldy. Oǵan aparatyn jol buzylyp, jabylyp qalǵan bolatyn.
Qundy zattardyń arasynda quıma altyn, kúmis, monetalar, baǵaly zattar, ydys-aıaq, músinsheler, bir kezderi Sankt-Peterbýrgten, Eýropadan jer aýdarylǵan adamdardyń buıymdary, knıaz Romanovtyń Tashkenttegi saraıynyń kollektsııalary, kitaptar, t.b. bar.
Sondaı-aq HІH ǵasyrda jasalǵan altyn mıkroskop, XVIII-XIX ǵasyrlarda jasalǵan altyn jalatylǵan folıanttar, ózbek ǵulamalarynyń XII ǵasyrǵa tán qoljazbalary, ózbek handyqtarynyń qujattary da kezdesti.
Tabylǵan buıymdardyń tarıhı qundylyǵy mol bolǵandyqtan, memleket qorǵaýyna alyndy.
