Tashkenttegi qurylys alańynda 4 adamdy metallqurylym basyp qaldy
TAShKENT. QazAqparat – Tashkentte qurylys alańynda qaıǵyly oqıǵa bolyp, tórt adam qaza tapty, dep habarlaıdy QazAqparat.
Ózbekstan Respýblıkasy TJM aldyn ala málimetine sáıkes, 28 tamyz kúni jergilikti ýaqyt boıynsha saǵat 13:18-de Tashkent qalasynyń Almazar aýdanynyń Nýrafshon kóshesindegi jańa Riviera saýda ortalyǵynyń qurylysyn júrgizip jatqan shaqta metall qurastyrylymy qulap túsken.
Saldarynan 4 adam mert bolyp, ekeýi jaraqattandy. Oqıǵa ornynda TJM jáne qalalyq qyzmet ókilderi jumys jasap jatyr.
«Oqıǵa jaıynda tolyq aqparat sál keıinirek beriledi», delingen habarlamada.
