Tashkenttegi qurylys alańynan eki snarıad pen eki mınomet tabyldy
TAShKENT. ÓzA-QazAqparat - Tashkent qalasynyń «ıAkkasaraı» aýdanyndaǵy qurylys alańynan oqý-jattyǵýlarǵa arnalǵan snarıadtar men mınometter tabyldy, dep habarlaıdy QazAqparat ÓzA agenttigine silteme jasap.
Qalalyq IIBB oqıǵaǵa qatysty resmı aqparatynda, 2021 jyldyń 27 jeltoqsanynda 102 nómirine Qashqadarııa oblysynda týǵan 26 jastaǵy Sh.T. esimdi azamatttan habar kelip túsken. Onyń dereginshe, tanysy 29 jastaǵy A.M. esimdi kisimen birge «ıAkkasaraı» aýdanynda salynyp jatqan nysan aýmaǵynan kúdikti, artıllerııaǵa uqsaıtyn tot basqan zattar taýyp alǵan. Sodan keıin jedel qyzmetke habarlaǵan.
Atalǵan mekenjaıǵa Tashkent qalalyq ІІBB qyzmetkerleri ІІM arnaıy mamandarymen birge kelip, tekseris kezinde tabylǵan zattar oqý-jattyǵý kezinde paıdalanýǵa arnalǵan 115 mm eki oqý snarıady jáne eki 82 mm oqý mınometi ekeni anyqtalǵan.
Osy jaǵdaıǵa baılanysty izdestirý jumystary júrgizilýde.
