Tashkenttegi konferentsııada Aýǵanstan máselesi talqylanady

TAShKENT. QazAqparat - Tashkent konferentsııasy arqyly «Talıban» qozǵalysyna belgi beriledi. Bul týraly aýǵan máselesi boıynsha sarapshy, Ózbekstannyń syrtqy ister mınıstriniń burynǵy orynbasary Abdýsamat Haıdarov aıtty, dep habarlaıdy Ózbekstandaǵy «QazAqparat» HAA menshikti tilshisi.

«Ózderińiz biletindeı Tashkent konferentsııasy shetelder men halyqaralyq uıymdardyń kóptegen ókilderin jınap otyr. Qatysýshylar quramynyń ózi kóp nárseden habar beredi. Sondyqtan bul basqosý Aýǵanstan máselesin beıbit túrde retteýdiń bastapqy irgetasyn qalamaq. Biz jańa ıdeıalar men tásilderdiń kýási bolamyz. «Talıban» qoǵalysynan konferentsııaǵa qatysý týraly jaýap áli kelgen joq, alaıda, álemdik qaýymdastyq olarǵa belgi berip otyr. Bul olardyń qulaǵyna jetedi dep oılaımyn»,-dedi sarapshy. 

Esterińizge sala keteıik, 26-27 naýryzda Tashkentte «Qaýipsizdik salasyndaǵy yntymaqtastyqtyń beıbit protsesi jáne óńiraralyq birikken is-qımyl» taqyrybynda halyqaralyq konferentsııa ótip jatyr. Basqosýǵa álemniń 20-dan astam elinen ókilder kelip qatysýda, onyń ishinde Qazaqstan da bar.