Tashkenttegi Azııa birinshiligin qazaq palýandary sátti bastady
ASTANA. QazAqparat - 15 sáýir kúni Ózbekstan astanasy Tashkent qalasynda Azııa birinshiligi bastaldy. Azııa birinshiligi qazaq quramasy úshin sátti bastaldy, dep habarlady Dzıýdo federatsııasy.
Azııa birinshiliginde 48 keli salmaqta qazaqstandyq sportshy O.Galbadrah aqtyq synda basty qarsylasy, álemdik reıtıngtiń kóshin bastap turǵan mońǵol sportshysy Mýnhbat Ýrantsegtsegti jeńip, altynǵa qol jetkizdi. Al, Marıan Ordabaeva 63 kelige deıingi salmaqta aqtyq kezdesýde japon balýanyn jeńip, Azııa chempıony atandy.
Erler arasynda 60 kelige deıingi salmaq dárejesinde Eldos Smetov fınalda ózbek dzıýdoshysy Dıorbek Ýrozboevtan aılasyn asyryp, birinshi orynǵa ıe boldy.
Eldos Jumahanov 66 kelide qola júldeni jeńip alsa, jas palýan Dıdar Hamza 73 kelide kúmisti qanaǵat tutty.
Rýstam Ybraevta jeńis tuǵyryna jaqyn boldy, alaıda ol Dastan Yqybaevpen birge besinshi orynǵa ǵana turaqtady.
Osymen, alǵashqy jarys kúni Qazaqstan komandasynyń qorjynynda úsh altyn men bir kúmis jáne bir qola bar. Nátıjesinde, Qazaqstan júlde qory boıynsha birinshi orynda tur.
