Tashkenttegi metroda er adam ózin poıyzdyń astyna tastady

Bıylǵy 28 qarashada saǵat 14:58-de (Astana ýaqytymen 15:58) Tashkent metrosynyń «Qoılyq» stansasynda belgisiz bireý (er adam) ózin júrip kele jatqan poıyzdyń astyna tastaǵan, dep habarlaıdy Kazinform «Tashkent metropolıteni» memlekettik ýnıtarlyq kásiporny habaryna silteme jasap.

«Jerústi aınalma joly» baǵytynyń bir bóligi ýaqytsha toqtatylǵan. Kýágerlerdiń aıtýynsha, er adam oqıǵa ornynda jan tapsyrǵan. Degenmen, áli resmı málimet berilgen joq.

«Jaǵdaı týraly tolyq aqparatty aldyn ala tergeý aıaqtalǵannan keıin beremiz», – delingen habarlamada.