Tashkenttegi kanaldardyń birinen qoltyraýyn tabyldy

ASTANA. KAZINFORM — Balyqshylar Tashkenttegi Qarasý kanalynan Nil qoltyraýynynyń balasyn tapty. Baýyrymen jorǵalaýshy qatty tońyp, aýyr jaǵdaıda bolǵan. Qazir qoltyraýyn haıýanattar baǵynda karantınge ornalastyryldy, dep habarlaıdy Kazinform agenttigi.

Krokodıla obnarýjılı v odnom ız kanalov Tashkenta
Foto: Tashkent zoobaǵy

Balyqshylardyń habarynan keıin Ulttyq ekologııa jáne klımattyń ózgerýi komıteti men Tashkent haıýanattar baǵynyń mamandary oqıǵa ornyna jetti. Olar qoltyraýyndy qaýipsiz jerge shyǵaryp, haıýanattar baǵyna jetkizdi.

Sýyq sýda uzaq jatqandyqtan, onyń jaǵdaıy aýyr bolǵan. Mamandar qoltyraýynnyń shamamen bir jasta ekenin anyqtady.

Buǵan qosa Tashkent haıýanattar baǵynyń mamandary jaqyn mańda basqa baýyrymen jorǵalaýshylardyń bar-joǵyn anyqtaý úshin aýmaqty tekserip shyqty. 

Qazir qoltyraýynnyń Ózbekstandaǵy sý aıdynyna qalaı tap bolǵany anyqtalyp jatyr.

Ózbekstannyń Ulttyq ekologııa jáne klımattyń ózgerýi komıteti el zańnamasy jeke tulǵalarǵa jabaıy janýarlardy, sonyń ishinde qoltyraýynnyń barlyq túrin jartylaı erkin ortada, jasandy jaǵdaıda nemese tutqynda ustaýǵa tyıym salatynyn eskertti. Sondaı-aq olardy tsırk qoıylymdaryna paıdalanýǵa da bolmaıdy.

Nil qoltyraýyny – qoltyraýyndar tuqymdasyndaǵy eń iri ári qaýipti jyrtqyshtardyń biri. Tabıǵı mekeninde Afrıka qurlyǵyndaǵy tuşy sýly ózenderde, kólder men batpaqty jerlerde tirshilik etedi.

Buǵan deıin AQSh-tyń Florıda shtatyndaǵy Ýınter-Garden qalasynda qoltyraýyn balyqshyǵa shabýyl jasap, ony sý astyna tartyp áketkeni habarlanǵan bolatyn.