Tashkenttegi Islam órkenıeti ortalyǵynda órt boldy
ASTANA. KAZINFORM – Tashkenttiń Almazar aýdanynda Islam órkenıeti ortalyǵynyń salynyp jatqan ǵımaratynan órt shyqty, dep habarlaıdy Ózbekstannyń Tótenshe jaǵdaılar mınıstrligi.
Vedomstvonyń habarlaýynsha, órt ǵımarattyń shatyryn arnaıy materıalmen qaptaý kezinde tehnologııalyq protsestiń buzylýy saldarynan shyqqan.
- El astanasynyń bas basqarmasyna órt týraly habar 19 tamyz, seısenbi kúni saǵat 11:11-de túsken. Órt saǵat 11:32-de aýyzdyqtalyp, 11-34-te tolyqtaı sóndirildi, - dep habarlady mınıstrlikten.
Órt saldarynan eshkim zardap shekken joq. Ǵımarattyń negizgi bóligi búlinbegen. Jalpy aýmaǵy 19 sharshy metrdi quraıtyn shatyrdy qaptaıtyn materıal janyp ketti.
Oqıǵa ornyna Ózbekstan premer-mınıstri Abdýlla Arıpov bardy.
Islam órkenıeti ortalyǵyn salý bastamasyn 2017 jyly Ózbekstan prezıdenti Shavkat Mırzıeev kótergen bolatyn. Onyń irgetasy2018 jyly qalandy.
Osyǵan deıin Ispanııada ıÝNESKO tizimindegi Kordova meshiti órtengeni týraly jazdyq.