Tashkenttegi halyqaralyq olımpıadada qazaqstandyq oqýshylar úzdik nátıje kórsetti
ASTANA. KAZINFORM — Ózbekstan Respýblıkasynyń astanasy Tashkent qalasynda matematıka jáne ınformatıka pánderinen ál-Horezmı halyqaralyq olımpıadasy (KhMIO) óz máresine jetti. Bilim dodasyna álemniń 10 elinen kelgen daryndy oqýshylar qatysyp, teorııalyq jáne praktıkalyq tapsyrmalar boıynsha baq synady. Bul týraly Oqý-aǵartý mınıstrligi málim etti.
Mınıstrliktiń málimetinshe, halyqaralyq olımpıadanyń basty maqsaty – matematıka men ınformatıka salalaryndaǵy talantty jastardy anyqtap, olardyń ǵylymı-zertteý jáne zııatkerlik áleýetin damytý. Qazaqstan quramasynda bilimin kórsetken segiz oqýshynyń barlyǵy júldeger atanyp, el qorjynyna tórt altyn, úsh kúmis jáne bir qola medal saldy. Osylaısha ulttyq qurama 100 paıyzdyq nátıjege qol jetkizdi.
Altyn medal ıegerleri:
Berdimurat Ahmet – Aqtóbe oblystyq daryndy jasóspirimderge arnalǵan mamandandyrylǵan «Bilim-Innovatsııa» lıtseı-ınternatynyń 9-synyp oqýshysy;
Jandeldınov Beksultan – Pavlodar qalasyndaǵy «Jas Daryn» mamandandyrylǵan mektep-lıtseıiniń 8-synyp oqýshysy;
Muhıtuly Aldııar – Almaty qalasyndaǵy NIS-tiń 9-synyp oqýshysy; Elaman Álisher – Almaty qalasyndaǵy RFMM-niń 8-synyp oqýshysy.
Kúmis medal ıegerleri:
Belgimbaev Ámir – Almaty qalasyndaǵy RFMM-niń 9-synyp oqýshysy;
Ermuhanov Islam – Aqtóbe oblystyq daryndy jasóspirimderge arnalǵan mamandandyrylǵan «Bilim-Innovatsııa» lıtseı-ınternatynyń 9-synyp oqýshysy;
Jangeldi Sanjar – Qaraǵandy qalasyndaǵy N.Nurmaqov atyndaǵy mamandandyrylǵan mektep-lıtseı-ınternatynyń 9-synyp oqýshysy.
Qola medaldi Pavlodar qalasyndaǵy «Jas Daryn» mamandandyrylǵan mektep-lıtseıiniń 9-synyp oqýshysy Ǵallam Álisher jeńip aldy.
Ulttyq quramanyń jetekshileri – Almaty qalasyndaǵy №165 mamandandyrylǵan lıtseıdiń matematıka pániniń muǵalimi Ashat Ábdikýlov jáne IITU senor-lektory Aıbar Qýanyshbaı.
Qazaqstandyq oqýshylardyń bul jetistigi elimizdiń halyqaralyq bilim olımpıadalaryndaǵy joǵary nátıjelerin jalǵastyryp, jas talanttardyń álemdik deńgeıde básekege qabiletti ekenin kórsetti.
