Tashkenttegi álem chempıonatynda qazaqstandyq shabandoz top jardy
ASTANA. KAZINFORM – Tashkentte halyqaralyq at sporty federatsııasynyń qoldaýymen ótip jatqan at sporty boıynsha halyqaralyq álem kýbogy kezeńinde qazaqstandyq sportshy Oleg Sokolenko altyn medal jeńip aldy, dep habarlaıdy Kazinform agenttigi.
125 santımetrlik kedergiler arqyly sekirý saıysynda Oleg Sokolenko Shenanigan atymen joǵary deńgeıde óner kórsetip, 20,63 sekýnd kórsetkishimen birinshi orynǵa ıe boldy.
Máskeýlik «Prestıj» klýbynyń sportshysy buǵan deıin bul týrnırde eki ret úzdikter qatarynan kóringen. Onyń enshisinde 1 kúmis, 1 qola júlde bar.
26 sáýirde aıaqtalatyn Tashkenttegi álem chempıonaty Universal Horses Stable at sporty kesheninde ótip jatyr. Jarysqa Qazaqstan, Ózbekstan, Qyrǵyzstan jáne Reseıden sportshylar keldi.
Eske sala keteıik, buǵan deıin Qazaqstan quramasy at sportynan álem chempıonatynda júldeli orynǵa ıe bolǵanyn habarlaǵanbyz.
