Tashkentte jalǵan 1400 dollardy bankomatta aıyrbastaǵan adamdar ustaldy

TAShKENT. KAZINFORM - Alaıaqtardyń 50 dollarlyq 28 jasandy kýpıýrany Ózbekstannyń ulttyq valıýtasy - sýmǵa aıyrbastaǵany anyqtaldy, dep habarlaıdy ÓR Bas prokýratýrasy janyndaǵy departamenttiń baspasóz qyzmet. 

«Ipak ıўlı» (Jibek joly) AIKB (aktsıonerlik ınnovatsııalyq kommertsııalyq bank) Chılonzor fılıalynyń ótinishi negizinde Bas prokýratýra janyndaǵy departamenttiń Tashkent qalalyq basqarmasy júrgizgen sotqa deıingi tergeýde azamattar T.T. (buryn sottalǵan), N.O. jáne A.Sh. atalǵan bank fılıalyna tıesili bankomattan barlyǵy 28 dana jalǵan 50 dollarlyq kýpıýrany sýmǵa aıyrbastaǵan.

Osy jaǵdaıǵa baılanysty Ózbekstan Qylmystyq kodeksiniń 176-baby (jalǵan aqsha, aktsızdik markalar nemese baǵaly qaǵazdar jasaý, olardy ótkizý) boıynsha qylmystyq is qozǵalyp, tergeý amaldary júrgizilýde.

Eske sala keteıik, Tashkentte jalǵan dollar satqandar ustalǵany jaıly jazǵan edik.