Tashkentte zaýytta jarylys bolyp, 15 adam zardap shekti
TAShKENT. QazAqparat – Tashkent mańyndaǵy óndiris tsehynda bolǵan jarylys saldarynan bir adam qaza taýyp, 14 turǵyn jaralandy, dep habarlaıdy QazAqparattyń menshikti tilshisi.
Ózbekstan TJM málimeti boıynsha, astanadaǵy Chılanzar aýdanynda ornalasqan mys qubyr óndirý tsehynda 14 maýsym kúni 09:50-de gaz-aýa qospasy jaryldy. TJ tehnologııa protsesiniń buzylýy saldarynan bolyp, artynan órt tutanǵan. Oqıǵadan tsehtyń shatyry qulady.
Apat ornyna órt sóndirý, qutqarý ekıpajy, ІІM, prokýratýra qyzmetkerleri keldi. Qazirgi ýaqytta jarylys saldaryn joıý jumystary júrip jatyr.
Oqıǵa saldarynan bir jumysshy sol jerde qaza tapsa, 14 adam túrli dárejedegi jaraqat alyp, jedel medıtsınalyq kómek kórsetetin Respýblıkalyq ǵylymı ortalyqqa jatqyzyldy.
