Tashkentte Vıktor Tsoıdy eske alýǵa arnalǵan kesh ótti

Onda ataqty mýzykant shyǵarmashylyǵynyń jankúıerleri tashkenttik «PK» mýzykalyq rok-tobynyń oryndaýynda súıikti ártisteriniń ánderin tyńdaýǵa jınaldy.

Mýzykanttyń qaıǵyly qazaǵa ushyraǵanyna 24 jyl ótkenine qaramastan, onyń shyǵarmashylyǵy qazirdiń ózinde tyńdarmandardyń júreginde jáne jańa jankúıerlerin jınaýda. Kontsertke kelgen Tsoı mýzykasy tyńdarmandarynyń kópshiligi - ánshi dúnıeden ótkennen keıin týǵandar. Sondaı jas jigitterdiń biri Sergeı Kım osy keshtiń uıymdastyrylýyna muryndyq boldy.

«Tsoı árqashan da tiri jáne onyń mýzykasy bizdiń júregimizde. Ol uly mýzykant, ómirden ótkenine kóp ýaqyt bolǵanyna qaramastan, biz onyń ánderin súıispenshilikpen tyńdaı beremiz», - dep atap ótti S.Kım.

Vıktor Tsoı 1990 jylǵy 15 tamyzda avtokólik apatynan qazaǵa ushyrady.