Tashkentte uzyndyǵy 10 metr mega káýap pisirildi
TAShKENT. QazAqparat – Tashkent qalasynda taǵam festıvalinde ózbek aspazdary uzyndyǵy 10 metr kebab (káýap) ázirledi, dep habarlaıdy QazAqparattyń menshikti tilshisi.
Jeksenbi kúni Ózbekstan astanasyndaǵy «Navrýz» saıabaǵynda «Kabob sayli» gastronomııa festıvali ótti, onda aspazdarǵa arnaıy alań jabdyqtaldy.
Káýapty ázirleýge jıyrmaǵa jýyq aspaz jumyldy. 10 metrlik istikke etti shanshyp bolǵan soń, ony arnaıy qaqtaıtyn mangalǵa qoıdy. Shoqqa qaqtalǵan káýaptyń uzyndyǵy 10 metr boldy. Ony festıval uıymdastyrýshylar rastady.
Shara kezinde qolóner sheberleri, sýretshiler jármeńkesi uıymdastyrylyp, án-kúı oınaldy.
Eske sala ketsek, 2017 jyly kúzde Tashkentte palaý basýdan rekord ornatyldy. 50 aspaz bir qazanda 7 tonna 360 keli palaý pisirip, jetistikterin Gınnestiń rekordtar kitabyna jazdyrdy.
Avtory Mıras Qýandyqov
