Tashkentte Túrki elderi múftıleriniń kezekti keńesi ótti
Ózbekstan astanasynda Túrki memleketteri uıymyna qarasty Túrki elderi múftıleriniń tórtinshi otyrysy ótti, dep habarlaıdy Kazinform agenttiginiń menshikti tilshisi.
Atalǵan jıynǵa Túrki memleketteri uıymynyń bas hatshysy Kýbanıchbek Omýralıev, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Ózbekstan musylmandary dinı basqarmasynyń tóraǵasy, Bas múftı Nýrıddın Holıqnazarov, Túrkııa Din isteri basqarmasynyń basshysy, Bas múftı Alı Erbash jáne ózge elden kelgen din salasynyń mamandary qatysty.
Otyrysta sóz alǵan Naýryzbaı qajy Taǵanuly keńes jumysyn jandandyrýǵa qatysty birqatar usynys aıtty.
«Túrkitildes memleketterdiń múftıler keńesin qurýdaǵy maqsat – túrkitildes halyqtardyń yntymaqtastyǵy men baýyrlastyǵyn odan ári nyǵaıtý, sondaı-aq túrki dúnıesiniń tarıhı, rýhanı jáne mádenı murasyn saqtaý baǵytynda qabyldanǵan sheshimder men bastamalardy iske asyrýdy jan-jaqty qoldaý bolatyn. Sol sebepti keńes jumysyn odan ary qaraı jandandyryp, Qazaqstan, Ózbekstan, Túrkııa, Ázerbaıjan, Qyrǵyzstan, Túrikmenstan dinı basqarmalary arasynda tájirıbe almasýlar uıymdastyryp, birlesken ǵylymı, tanymdyq, tájirıbelik is-sharalar legin kóbeıtýimiz qajet», - dep málim etti Naýryzbaı qajy Taǵanuly.
Al Kavkaz musylmandary basqarmasynyń tóraǵasy Allashúkir Pashazade BUU Bas Assambleıasynyń 78-shi sessııasynda Ózbekstan basshysy Shavkat Mırzıeev usynǵan «Islam - beıbitshilik pen meıirim dini» halyqaralyq konferentsııasyn ótkizý bastamasyna qoldaý bildirdi.
«Ózbekstan sııaqty ıslam órkenıetiniń eń kóne ortalyǵynda ótetin forým joǵary deńgeıde uıymdastyrylady jáne jalpy adamzat úshin ıslam dininiń tabıǵaty men qundylyqtaryn dáripteýde aıryqsha mańyzǵa ıe bolady dep senemiz» ,- dedi Allashúkir Pashazade.
Sondaı-aq otyrysta baıandama jasaǵan Túrikmenstan musylmandary basqarmasynyń jetekshisi, múftı ıAlkap Hodjakýlıev baýyrlas elder arasyndaǵy qarym-qatynastyń jańa deńgeıde damyp kele jatqanyn atap ótti.
«Mundaı kezdesýler men keńester bizdiń halyqtarymyzdy jaqyndastyryp, dostyq pen baýyrlastyq qarym-qatynastardy arttyryp, senim men ózara túsinistiktiń joǵary deńgeıge jetýine múmkindik ashatyny sózsiz», - dedi ıAlkap Hodjakýlıev.
Aıta keteıik, Túrki elderi múftıleriniń buǵan deıingi basqosýlary Stambul (Túrkııa), Baký (Ázerbaıjan) jáne Túrkistanda (Qazaqstan) ótken edi.
