Tashkentte toǵyzqumalaqtan halyqaralyq jarys ótti (FOTO)

Bul týraly Dúnıejúzilik Toǵyzqumalaq Qaýymdastyǵynyń baspasóz qyzmeti habarlady. Tól oıynymyz - toǵyzqumalaqtan ótken tartysty báseke Tashkent Irrıgatsııa jáne melıoratsııa ınstıtýty ǵımaratynda ótti.

Osymen toǵyzynshy ret jalaýyn jelbiretken jarysqa Ózbekstan, Qazaqstan jáne Qaraqalpaqstan respýblıkalarynan 40-qa jýyq sportshylar qatysty. Jarys 3 jas ereksheligi boıynsha qyzdar jáne uldar arasynda bólek ótkizildi. Olar 14 jastan tómen, 15-17 jas jáne 18 jastan joǵary sportshylar.
Jarystyń ashylý saltanatynda Tashkent ırrıgatsııa jáne melıoratsııa ınstıtýtynyń prorektory Qadırjan Shovozov, Ózbekstandaǵy Qazaq mádenıet ulttyq ortalyǵynyń tóraǵasy Serikbaı Úsenov, Ózbekstandaǵy Qazaqstan Elshiliginiń Keńesshisi Naýryz Aıdarov jáne Dúnıejúzilik Toǵyzqumalaq Qaýymdastyǵynyń bas hatshysy Maqsat Shotaev sóz sóılep, bul jarystyń maqsaty men mánine, eki eldiń dostyǵy men yntymaqtastyǵyna toqtaldy.
Eki eldiń ánurandary shyrqalǵannan keıin jarys jalaýy kóterilip, tartysty básekeler bastaldy. Ár jas ereksheliginde qyzyqty oıyndar ótti. Nátıjesinde tómendegi sportshylar júldeli oryndarǵa ıe boldy.

14 jastan tómen qyzdar
Esirkep Qundyz (Astana) І oryn
Jaqsylyqova Arýna (Aqtóbe) ІІ oryn
Zorbaıqyzy Altynaı (Aqtóbe) ІІІ oryn

14 jastan tómen uldar
Áýelbaı Ersultan (Astana) І oryn
Qaljan Qýanyshbek (Aqtóbe) ІІ oryn
Orynbasarov Ashat (Aqtóbe) ІІІ oryn

15-17 jas qyzdar

Serikova Aıjan (Astana) І oryn
Ibragımova Adına (Tashkent) ІІ oryn
Ibragımova Dınara (Tashkent) ІІІ oryn

15-17 jas uldar

Serikmurat Toıbahyt (Astana) І oryn
Jetpisbaıuly Orynbasar (Aqtóbe ІІ oryn
Jolmurat Begzat (Aqtóbe) ІІІ oryn

Áıelder
Takısheva Almagýl (Aqtóbe) І oryn
Asqarova Lýıza (Tashkent) ІІ oryn
Halova Sarvınoz (Tashkent) ІІІ oryn

Erler
Óndirbaev Amanbek (Aqtóbe) І oryn
Tanhaev Alısher (Astana) ІІ oryn
Qalmuratov Jaqsybaı (Núkis) ІІІ oryn

Jarystyń jabylý saltanatynda Ózbekstandaǵy Qazaq mádenıet ulttyq ortalyǵy atynan medal jáne dıplomdar, Ózbekstandaǵy Qazaqstan Elshiligi atynan baǵaly syılyqtar tapsyryldy. Jarystyń eń jas oıynshylary - uldar arasynda Erjigit Ibragımov (Tashkent) pen qyzdar arasynda Talasbaeva Nurlyaıym (Aqtóbe) boldy. Sondaı-aq Ózbekstandaǵy Qazaq mádenıet ulttyq ortalyǵy tóraǵasy Serikbaı Nazaruly toǵyzqumalaqty Ózbekstan Respýblıkasynda damytýǵa sińirgen eńbegi úshin Dúnıejúzilik Toǵyzqumalaq Qaýymdastyǵynyń ókili, Aqtóbe oblysynyń aǵa jattyqtyrýshysy Baýyrjan Tólegenovke shapan jaýyp, syı sııapatyn kórsetti.

Kúnsultan Otarbaı