Tashkentte TMD elderiniń energojúıelerine qatysty máseleler talqylandy
ASTANA. QazAqparat - Tashkentte Táýelsiz memleketter dostastyǵy uıymynyń elektr energetıkalyq júıesiniń 51-shi májilisi ótti, dep habarlaıdy uza.uz.
Halyqaralyq uıymdar men TMD memleketteriniń Energetıka mınıstrleri jáne TMD-nyń Atqarýshy komıtetiniń ókilderi qatysqan jıynda elektr energetıkasy salasynda birlesip qyzmet etý, atalmysh protses barysynda quqyqtyq tehnıkalyq rezervti jaǵyrtý máseleleri sóz boldy. Sondaı-aq kúz jáne qys mezgilderinde TMD-ǵa múshe elderdiń energetıkalyq júıeleriniń turaqty jumysyn qamtamasyz etý máseleeleri jónindegi baıandamalar tyńdaldy. Jıynda atalǵandarmen qatar elektr energetıkasy salasyndaǵy halyqaralyq qujattar, TMD-nyń Elektr energetıkalyq keńesiniń normatıvti-tehnıkalyq qujattary, sondaı-aq energııa syıymdylyǵy men balamaly energııa kózderin damytý jónindegi jumys tobynyń qujattaryna qatysty jáıtter sóz boldy.
Kezdesýdiń qorytyndysy boıynsha, TMD-nyń elektr energetıkasy keńesiniń sheshimderine qol qoıyldy.
