Tashkentte ShYU múshe-elderi Joǵarǵy sot tóraǵalary bas qosty

TAShKENT. QazAqparat - Búgin Tashkentte ShYU Joǵarǵy Sot tóraǵalarynyń keńesi bastaldy, dep habarlaıdy «QazAqparat» HAA menshikti tilshisi.

Іs-sharaǵa qazaqstandyq taraptan QR Joǵarǵy sotynyń tóraǵaǵy Qaırat Mámı qatysty. Keńes barysynda ShYU-ǵa múshe memleketterdiń sot-quqyqtyq salasyndaǵy yntymaqtastyǵy damýynyń ahýaly men bolashaǵy talqylandy.

Atap aıtqanda, keńeste ShYU-ǵa múshe memleketterdegi ınvestıtsııalyq talastardaǵy zańnamany jáne ınvestıtsııalardy qorǵaýdyń ınstıtýtsıonaldyq tetikterin jetildirý boıynsha ShYU-ǵa múshe memleketterdiń sot-quqyqtyq júıesin odan ári reformalaý sharalary, sondaı-aq azamattyq qylmystyq ister jáne jas urpaqtyń ártúrli lańkestik jáne radıkaldy qurylymdardyń qyzmetine tartýǵa qarsy tájirıbe boıynsha quqyqtyq kómek kórsetý salasyndaǵy ShYU-ǵa múshe elderdiń ózara qarym-qatynasynyń tıimdiligin arttyrý máseleleri qaraldy.

Kezdesý sońynda ShYU-ǵa múshe memleketterdiń joǵarǵy sot bıligi organdary yntymaqtastyǵynyń bolashaǵy týraly birlesken málimdemege qol qoıý josparlanyp otyr. ShYU Joǵarǵy Sot tóraǵalarynyń kelesi keńesi 2018 jyly Qytaıda ótpek.