Tashkentte «Shymkent – shyraıly shaharym!» atty mádenıet kúni ótti

TAShKENT. ÝzA-QazAqparat - Shymkent qalasy ákiminiń orynbasary Qaırat Nurtaı bastaǵan delegatsııa quramy Tashkent qalasynda Ózbekstandaǵy «Qazaqstan jyly» aıasynda ótetin sharaǵa qatysty, dep habarlaıdy QazAqparat ÝzA-ǵa silteme jasap.

Álisher Naýaıy atyndaǵy Ulttyq kitaphanadan bastalǵan sharada, Qazaqstannyń ońtústiginen shyqqan kompozıtor Qaldybek Qurmanáli sóz bastap, Áselhan Qalybekova, Amanhan Álim, Qasymhan Begman, Bekjan Áshirbaev syndy arqaly aqyndary óz óleńderin oqysa, satırık Kópen Ámirbek kelgen qonaqtardy kúlkige qaryq qyldy. Sondaı-aq sharaǵa jazýshy jýrnalıst Sáken Sybanbaı, Marjan Esjanova, Karıma Oralova, Aqmaral Leýbaeva syndy aıtysker aqyndar men túrkistandyq BAQ ókilderi qatysty.

«Shymkent – shyraıly shaharym!» atty mádenıet kúni Ózbek ulttyq akamedııalyq drama teatrynda Shymkent qalasy ónerpazdarynyń «Shymkentten – shashý» atty gala-kontsertimen jalǵasty. Onda Shymkent qalalyq mádenıet úıiniń ult aspaptar orkestri, «Qazyna», «Shattyq» bı ansamblderiniń daıyndaǵan horeografııalyq kompozıtsııalary jáne qazaq estrada juldyzdary Zattybek Kópbosynuly, Shahızada Baıpatshanova, Qazaqstannyń eńbek sińirgen ártisi Aqjol Meıirbekov, Ózbekstan men Qazaqstannyń halyq ártisi Farrýh Zakırov án súıer qaýymǵa umytylmastaı merekelik kóńil-kúı syılady.