Tashkentte Shora Sarybaevtyń 100 jyldyǵyna arnalǵan konferentsııa ótti
TAShKENT. KAZINFORM - Álisher Naýaı atyndaǵy Tashkent memlekettik ózbek tili jáne ádebıeti ýnıversıtetinde Ahmet Baıtursynuly atyndaǵy Til bilimi ınstıtýty, Muhtar Áýezov atyndaǵy Ońtústik Qazaqstan memlekettik ýnıversıteti jáne sol ýnıversıtettiń Ózbekstandaǵy fılıalymen birlesip «Túrki tilderin zertteýdiń salystyrmaly-dıalektologııalyq aspektileri: ótkeni, búgini jáne bolashaǵy» taqyrybynda halyqaralyq konferentsııa uıymdastyryldy, dep habarlaıdy ÓzA.
Konferentsııa belgili lıngıvıst ǵalym Shora Shamǵalıuly Sarybaevtyń 100 jyldyǵyna arnaldy. Bul konferentsııa túrki halyqtarynyń ózara yntymaqtastyǵyn nyǵaıtý, olardyń tili men mádenıeti jáne qundylyqtarynyń ortaqtyǵyn zerdeleý jáne búgingi túrkologııanyń ózekti máselelerin talqylaý maqsatynda uıymdastyryldy.
Álisher Naýaı atyndaǵy Tashkent memlekettik ózbek tili jáne ádebıeti ýnıversıtetiniń rektory, akademık Shýhrat Sırojıddınov óz sózinde túrki halyqtarynyń kóne tarıhy, ǵylym men mádenıetti damytýǵa qosqan úlesine nazar aýdaryp, túrki halyqtarynyń «jetilgen ıntellektisi» olardyń turmys-tirshiliginen, maqal-mátelderinen, ǵylymı qyzmetinen aıqyn kórinetinin atap ótti. Sondaı-aq ol Mahmud Qashǵarı, Júsip Balasaǵunı, Zamahsharı, Ulyqbek, Álisher Naýaı, Zahırıddın Muhammed Babyr sııaqty ataqty ǵulamalar men oıshyldardyń muralaryna erekshe mán berdi.
Konferentsııanyń lektsııalarynda Shora Sarybaevtyń ónegeli ómir joly, aýqymdy ǵylymı qyzmeti, ásirese, altaıtaný, dıalektologııa, leksıkografııa salasyndaǵy jetistikteri erekshe atap ótildi.
Baıandamashylar Shora Sarybaevtyń tek Qazaqstanda ǵana emes, halyqaralyq deńgeıde moıyndalǵan, ǵylymı mektebi, baı kitaphanasy, dıalekt sózder jınaǵy, irgeli zertteýlerimen tanylǵan ǵalym retindegi túrkologııa ǵylymynyń damýyna qosqan úlesine toqtaldy.
Shora Sarybaevtyń balalary – Qazaqstan Respýblıkasynyń memleket jáne qoǵam qaıratkeri, dıplomat Qaırat Sarybaev pen Abylaıhan atyndaǵy Halyqaralyq qatynastar jáne álem tilderi ýnıversıtetiniń professory, fılologııa ǵylymdarynyń kandıdaty Maıra Sarybaeva áýlet ókilderiniń qoǵam ómirindegi jáne ǵylymnyń damýyndaǵy róli týraly, sondaı-aq konferentsııany uıymdastyrý, saladaǵy ózekti máseleler jóninde pikir bildirdi.
Konferentsııa barysynda túrki tilderiniń salystyrmaly taldaýy, dıalektologııa salasyndaǵy jańalyqtar, olardyń qazirgi til bilimindegi mańyzy týraly birqatar qyzyqty baıandama tyńdaldy.
Іs-shara sońynda Ózbekstan men Qazaqstannyń joǵary oqý oryndary arasyndaǵy ǵylymı yntymaqtastyqty odan ári nyǵaıtý jáne túrki tilderi boıynsha ǵylymı jumystardy birlesip júrgizý týraly kelisimderge qol jetkizildi.
Eske sala keteıik, eki prezıdenttiń kezdesýi Qazaqstan men Ózbekstan halyqtaryn jaqyndastyrý jolyndaǵy mańyzdy qadam bolǵany jaıly jazǵan edik.