Tashkentte salmaǵy 7 keliden asatyn qyz bala dúnıege keldi

TAShKENT. KAZINFORM – Tashkent oblysy ıAngııýl qalasyndaǵy aýdanaralyq perınataldyq ortalyqta salmaǵy 7 keli 3 gramm qyz bala dúnıege keldi. Bul týraly Ózbekstan Respýblıkasynyń Densaýlyq saqtaý mınıstrligi habarlady.

Náresteniń jaǵdaıy qanaǵattanarlyq dep baǵalanyp otyr. Anasy kesar tiligi arqyly bosanǵan, bul – onyń tórtinshi balasy.

Oblystyq Densaýlyq saqtaý basqarmasynyń málimetinshe, qazir ana men bala dárigerlerdiń baqylaýynda.

Esterińizge sala keteıik, Ózbekstan áýe joldarynyń Tashkentten Nıý-Iorkke bet alǵan HY101 reısiniń bortynda sábı dúnıege kelgeni týraly jazǵan bolatynbyz.

Osy jyldyń qańtar aıynda Tashkenttegi bir otbasynda tórt egiz bala dúnıege kelgen.

Sondaı-aq Rýdnyıda salmaǵy 6 kelige jýyq alyp sábı dúnıege keldi.