Tashkentte retro-kólikter kórmesi ótti
TAShKENT. QazAqparat - Ózbekstan astanasynda 9 mamyrǵa arnalǵan dástúrli retro-mashınalar kórmesi ótti, dep habarlaıdy QazAqparattyń menshikti tilshisi.
Bıyl Retro uz avtoklýbynyń qatysýshylary 40-tan astam rarıtet avtokólikterin kórsetti, onyń ishinde 15-ten astam motoroller men mototsıklder bar. Munda «Volga», «Moskvıch» jáne «Pobeda» syndy Keńes odaǵynda jasalǵan kólikterge basymdyq berildi. Áıtse de, kórmeden «Chaıka», tipti «Mersedes-Bents» pen «Ford» kólikteri de tabyldy. Sonymen birge, kórmege soǵys jyldaryndaǵy avtotehnıka qoıyldy.
«Bul kórmeni jyl saıyn 9 mamyr qarsańynda uıymdastyramyz. Kóptegen avto jáne mototehnıkalardy shyǵaramyz. Bıyl kólikter qataryna Gaz sanatyndaǵy avtomobılder qosyldy. Bizdiń kórmege tájikstandyqtar da qatysyp jatyr. Olar Dýshanbeden Gaz-21, Gaz-24 jáne Gaz-67b kólikterin ákeldi. Odan bólek, soǵys jyldarynan qalǵan bes Gaz-67 mashınasy bar», - dedi Retro uz avtoklýbynyń belsendi qatysýshylarynyń biri Andreı Golovchenko.
Avtor: Mıras Qýandykov
